唱K唱天光之用心良苦

　　星期五朋友生日，little one被邀唱K，朋友預告晚上10時半開始唱3粒鐘，little one搔頭：「新歌你又唔識，舊歌妳又唔唱，何解選唱K慶祝生日？」，壽星女哈哈大笑：「其他人鍾意麻，無所為！」既然壽星女做 '順德人'，little one 那有推卻之詞，11時多帶同朋友到達，男、女聲，七比三；見大家的投入及開懷，始明壽星女的用心良苦；人總得尋找一些方法去舒緩壓力，各形各色，的而且確，K場不失為一好選擇，有人唱K、有人劈酒、有人專心聆聽；起碼唱歌走音唔會講你話某某歌手唱得好過你，醉酒後胡言亂語之事大家見慣不怪，齋聽唔搶咪更加受盡歡迎。

　　最後，3粒鐘的約會變成6粒鐘，清晨5:30離開K場時，G君高呼說：「多謝壽星女比個借口我o地唱K唱天光！」壽星女笑而不答；至於零晨3:00已採取放棄態度的 little one，來不及等朋友取車送一程，已火速跳上的士，回家倒頭大睡。